Sommaravslutning!

Ein lang, innholdsrik vårsesong er snart historie, men først skal Hyen avslutte dei heile med toppkamp mot Tambskjelvar! Dette er også Hyens tredje heimekamp på ei veke, og alle hyarar håpar sjølvsagt på reprise av 7-3 sigeren mot Sandane2 sist! Men dette blir nok ein langt tøffare kamp, ettersom Tambar blant anna har forsterka laget med ei Firdaliga-stjerne!
 

Publisert 23. juni 2008.

VS.      Det vart ein skikkelig "røkkare av ein fotballkamp" då lokaloppgjeret mot Sandane2 vart spelt i eit øspøs regnvær fredag kveld. Heimelaget ville mest og scora heile 7 mål i det som var ein veldig underholdande kamp for svært tøffe og patriotiske heimesupportera som trossa "bikkjeværet"! At sopass mange stilte opp er nok noko samtlege spelarar sett svært stor pris på! Ingen tvil om at ein får litt ekstra energi når det er litt liv på "tribuna"! Forhåpentlegvis blir det like bra stemning i komande kamp! Spelemessig var nok også fredagens kamp, også Hyens beste i år. Til tross for at det var mange duellar så viste også heimelaget ein del gode forsøk på samspel. Bakover var det også ganske bra, til tross for tre innslupne mål. To av dei var identiske, og kom på markeringssvikt etter dødball, noko som betyr at ingen Hyen-spelarar gjer slike tabbar igjen! Omlegginga til 5-3-2 har tydeleg hatt ein positiv effekt på det defensive spelet, og når ein også puttar 7 mål med samme formasjonen så kan ingen heller stemple det som ein kjedeleg og deffensiv spelestil.     Tambarskjelvar har som venta fått det litt tøffare etter at dei begynte å spele bortekampar! 1-8 tapet mot Florø3 gav vell klar beskjed om at opprykket kan settast på vent denne sesongen! Men Tambar fortener den plassen dei har på tabellen i dag, og reiste seg umiddelbart etter flausa i Florø med å slå Gaular2 5-3 på Osen stadion. Sist gjorde dei muligens ein liten taktisk tabbe då dei ikkje markerte ut Sandane2 spelar Vidar Apalset. Det førte til at Apalset senka Tambar på eiga hand ved å putte tre mål. Hyen var veldig fokusert på å hindre han rom då dei møtte Sandane2, og hadde blant anna ein spelar som hadde ansvaret for å markere han heile kampen. Dette burde nok også Tambar ha gjort, og etter det vi har høyrt så var dei også til tider det beste laget på idrettsplassen, men effektiviteten var den store forskjellen på laga! Tambar har som kjent avdelingas breiaste spelarstall, og no har dei også blitt ein ekstra. Og det er heller ikkje kven som helst laget frå Naustdal no har fått i stallen! Pål Arve Myklebust er den siste Tambar signeringa, og han kjem nok til å forsterke naustedølingane kraftig dei kampane han er med! Myklebust kjem nemleg frå mange års spel for Førde, og var på starten av dette tusenåret ein av dei viktigaste og beste Førde-spelarane der han nedkjempa motstandarane frå sin sentrale midtbane posisjon. Men han kan også spele midtstoppar, og Tambarskjelvar kjem nok til å nyte svært godt av han uansett korleis dei velge å disponere han. Sjå kva Tambarskjelvar skriv før kampen her. Pål Arve Myklebust gjer comeback for Tambarskjelvar mot Hyen! foto: haugenfotball.no Ein skal vell være relativt stor optimist for å tru at både Hyen og Tambarskjelvar skal kunne rykke opp i år. Florø3 har vist over tid at dei er det klart beste laget, og ettersom dei både kan og vil rykke opp, så gjer dei noko også svært sannsynleg det! For Hyen og Tambar sin del blir det derfor i realiteten ein kamp om andre plassen. Med tre poeng til Hyen i tirsdagens kamp er det heimelaget som vil ta fotballferie på plassen bak Florø3, mens Tambarsiger vil bety at dei får ei luke ned til Hyen på 4 poeng, og det med ein kamp mindre spelt! Men Hyen er eit sterkt heimelag, og laget er også i god form og vil nok difor gje Tambar solid motstand! Når det gjeld laget til Hyen så stille ein til denne kampen med den største troppen i år! Ny signeringa Morten Hjelmeland er endeleg klar for Hyen, og det blir spennande å sjå kva han kan få til i debuten! Både Tommy Folkestad og Stein Are Eimhjellen er også tilbake sidan sist, medan Karl Erik Utheim leve ut sine velfortente "kveitebrødsdaga"! Dette betyr ein tropp på 16 spelarar! Andre omgangen mot Sandane2 var veldig bra, og coachen ser naturlegvis ingen grunn til å forandre på laget i forhold til dei som gjekk på bana då: