Serieleiaren på besøk!

Den første bortesigeren for Hyen på 10 månader blei sikra då laget tok med seg alle poenga på Hilvang sist. No er det klart for ei rekke på 3 heimekampar på ei veke, og det bør bety at poengfangsten vedvare for Hyen-spelararane. Først ut er 6. divisjons svar på Nederland, serieleiar Florø3. Og det blir ei skikkelig utfordring for normalt, heimesterke hyara!
 

Publisert 16. juni 2008.

VS.      Det blei ein skikkelig oppløftande kamp for Hyen sist. 4-2 siger på bortebane, og det so langt vekke som i Holmedal!! Om dei gledlege poenga der betyr starten på poengfulle bortekampar resten av sesongen er vell å trekke litt for drøye konklusjonar, men sigeren bidrog i alle fall til å gje Hyen ei fin innleiing til dei tre heimekampane som no ventar før sommaren.   Dei kommande sju dagane blir det altså stor aktivitet på Sentralidrettsanlegget i Hyen! Både Florø3, Sandane2 og Tambarskjelvar tek turen og det betyr sjølvsagt at Hyen også går inn ei svært spennande og avgjerande veke. Og det er faktisk tre høg aktuelle opprykksrivaler som kjem til Hyen. Florø3 toppar tabellen, Tambar på 2., og Sandane2 ligg på plassen bak Hyen. Skal det bli opprykk må ein nok ta 6 av 9 poeng på dei kampane, og det er ikkje heilt likegyldig kven disse poenga kjem mot heller!   Florø3 som står på motsett halvdel i tirsdagens kamp er einsame på topp med sine 16 poeng. Noko som altså er 7 poeng meir enn Hyen. Sjølv om dette er mulig å ta igjen så er det eigentleg like greit å berre gløyme Florø3. Laget er i ei klasse for seg sjølv, og vinn nok dei kampane dei vil i denne avdelinga. Men det store "men'et" for FSK3 er at Florø2 er i 5. divisjon. To lag frå samme klubb kan som kjent ikkje spele i samme divisjon, noko som betyr at ei opprykk er uoppnåelig for Florø3 så lenge Florø2 er i 5. divisjon. FSK2 ligg på 5. plass 5 poeng bak opprykksplass i si avdeling, og dermed er sannsynligheten for opprykk på dei svært liten. Dette betyr at kampen om opprykk frå 6. divisjon avdeling 2 i realiteten står mellom Tambarskjelvar, Hyen og Sandane2.   Dette betyr altså at kampen som no ventar faktisk er langt mindre viktig enn dei to neste. FSK3 kampen er ein 3poengs kamp, mens dei to andre begge er 6poengs kampar. Spesielt blir heimekampen mot Tambar utruleg viktig for Hyen dersom dei skal bli 5. divisjon i 2009!   Florø3 er enkelt og greit nokre hakk over dei andre laga i denne avdelinga, og det har resultert i at dei har gått ubesigra gjennom dei 6 første kampane, og berre eit lite arbeidsuhell etter pause på Osen stadion hindrar dei frå å stå ubesigra så langt. Då laga møtest tidlegare i vår på kunstgraset i Florø vart Hyen regelrett slakta av bruntrøyene, og 6-1 siger til heimelaget var fullt fortent. Men i Hyen er det ikkje kunstgras, tribune og chiks som reke langs sidelinja. Her ventar det grus i blanda grovkverna stein, høy ved cornerflagga og friidrettsskit rundt bana som er knapt 75 meter lang. Dette er nok ikkje det byguttane frå Florø går og dagdrøymer om til vanleg, og forhåpentlegvis kan det føre til at Hyen no kan gje FSK kamp om poenga! I bortekampen vart Hyen spelt i senk av Florø3! foto: Jan Otto Hovden Til tross for 3 svært usedvanlige bortepoeng sist, så er det tross alt på heimebane Hyen tar stort sett alle sine poeng! Heile 9 av dei 10 siste heimekampane har enda med 3 poeng og det bør nok også imponere ein serieleiar. Sjølv om Florø3 vann oppgjeret i kystbyen med heile 6-1 så tapte det samme laget 2-1 sist dei var i Hyen, i september 2006. Denne kampen blir etter det vi kan huske historisk for Hyen. Dette skuldast at laget til denne kampen stille i ein 5-3-2 formasjon!! Noko vi har vanskeleg for å tru at har skjedd før i Hyen si historie! Etter vår meining er dette eit svært lurt taktisk grep, men om det vil virke i realiteten gjenstår å sjå. Hyen har vært veldig vant med å spele 4-5-1, og når ein no legg om til ein ny formasjon så vil det bli spennande å sjp korleis laget vil takle denne overgongen. Det vil nok bli litt uvant, men så heil ulikt 4-5-1 vil det nok likevel ikkje bli. Med 5-3-2 får ein 3 midtstoppera, 2 wingbacka, 3 sentrale på midten og 2 på topp! Det betyr eigentleg at ein då får fullt utbytte over heile bana. Som regel møter ein alltid to spissa. Tre midtstoppera betyr då at to av dei kan markere, mens den tredje kan støtte mot eventuelle angrep frå midten. Er nok nettopp problem i denne fasen mange av måla i mot for Hyen har komt i år. Dette pga. at midtstopparane ikkje klarer å kommunisere godt nok om kven som skal presse og kven som skal markere. Med tre midtstoppera blir det ein klar sjef som ligge i midten og kan gå i press, mens dei to andre tar markeringsjobben. Til kampen mot Florø3 er det Ola Henning Ommedal, Hans Otto Holme og Øyvind Larsen som spelar i disse posisjonane. Dei 2 wingbackane får ein veldig stor jobb. Defensivt blir det for dei å følgje motstandarane sine wing/kant spelarar, mens ein offensivt må komme på løp. I utgangspunktet bør vell disse være plassert på ein plass mellom midtbana og forsvaret. Når det gjelde når Hyen har angrep så vil det at dei ligge litt defensivt kunne føre til at det opna seg mykje rom framover på sidene. Når ein spela 4-5-1 og vingane ligge relativt høgt oppe på bana vil disse ofte bli markert ut. Ligge ein heller litt lavt vil ein skape rom for seg sjølv, kjem ein då på løp vil midtbana ha gode passningsalternativ. Hyen har vell heller aldri har fått til det her med winga i verken 4-4-2 eller 4-5-1, så noko stort sakn at dei no blir litt meir defensive har vi vanskeleg for å tru. Til kampen mot Florø3 er det ”duracellkaninene” Anders Ommedal og Geir Kjetil Aa Hope som tar disse kondisjonsmessig svært krevande posisjonane! Dei tre på midten vil fungere på same måte som i 4-5-1. Der spelaren i midten er litt meir defensiv enn dei to andre. Trioen Ørjan Gjesdal, Åsmund Ommedal og Anders Klungre har etterkvert blitt svært samspelte i denne rolla og dei tar også disse posisjonane i kampen mot FSK3. På topp blir det nok mykje som i 4-4-2, men spissane kan jo og trekke litt meir ut mot kant og lage rom for midtbana. Mot Florø3 er det Andreas. M. Kvalheim og Ola Alexander Lilloe-Olsen som spelar her.  Blei mest returløp på Hyen i bortekampen, forhåpentlegvis kan ny formasjon hjelpe mot det no! foto: Jan Otto Hovden Når det gjeld laget til Hyen så er det fortsatt en del ute. Både Even Hallem og Stein Are Eimhjellen er ute sidan sist, mens Håkon Solheim må sone karantene etter at han fekk sitt 3. gule for sesongen borte mot Ahil2. Karl Erik Holme, Geir Kjetil Aa Hope og Ola Alexander Lilloe-Olsen er tilbkae. Dette betyr ein tropp på berre 13 spelarar! Coachen har tatt ut følgjande lag: