Publisert 15. mars 2009 av Ola Alexander Lilloe-Olsen.

Dagens HIL-stjerne: Anders Klungre Foto: hyenfotball.com Klungre leverte nok ein stor kampp i hyedrakta. I lag med resten av midtbana kjørte dei fullstendig over midtbana til Eikefjord. Klungre bidro sterkt både framover og ikkje minst bakover og fekk hindra at Eikefjord kom på farlege overgongar! Hyen avslutta årets andre treningshelg med treningskamp borte mot Eikefjord. Også til denne kampen fekk laget eit par fråfall på kampdag, men ettersom stort sett heile laget var tilgjengeleg i utgongspunktet stilte ein med ein solid 16-mannstropp til kampen. Det skal dog seiast at ikkje alle disse var i like god form etter å ha vært litt for delaktige i ein heidundrandes bygdasfest kvelden før! Kampen blei satt i gong nokre minutt forsinka, og til tross for det så virka det ikkje som hyen-spelarane var heilt klar. Eikefjord snappa ballen etter berre 30 sekund, ein spelar blei spelt fint fri og fekk avslutta på mål, men der stod Even Hallem i veien og fekk slått ballen sovidt ut til corner. Hadde Eikefjord tatt leiinga her, så hadde det nok blitt ein heilt anna kamp. Ei skikkeleg matchvinnar redning av Hallem med andre ord! Men den tidlege glippen såg ut til å være akkurat det Hyen trengte for å innsjå at no var det berre til å trøkke til. Bortelaget tok sakte men sikkert fullstendig over kampen. Spesielt var hyarane suverene når det gjaldt duellspel. Laget vann omtrent samtlege luft-duellar, og Håkon Solheim var blant anna heilt konge i luftrommet på Eikefjord sine framspel noko som førte til at ein tidleg fekk hindra Eikefjord å komme til farlege sjansar. Ettersom ein var overlegne i duellane og samtidig først på andre ballane førte det også til at ein ofte fekk starta fine angrep heil frå forsvaret. I forrige kamp skjedde det meste offensivt på venstresida, men her klarte ein å få brukt også høgresida på ein god måte. Kampens første mål skulle likevel komme etter eit angrep frå venstre. Ola Alexander Lilloe-Olsen slår ein lang ball ned mot venstre cornerflagg som Anders Klungre akkurat klare å rekke. Klungre klarer først å finte av ein mann, men blir like etterpå stoppa av ein anna. Han klarar likevel  til slutt å vinne tilbake ballen og får lagt den tilbake til Ørjan Akse. Akse får slått ballen inn på direkten i retning Tommy Folkestad, han får først dempa og klarer deretter å få ein fot på ballen før Eikefjord sin keeper og då stod det 0-1 til Hyen etter berre fem minutt! Etter den tidlege leiinga var det nok mange hyara som tenkte at her var det ingen grunn til å ta av då Eikefjorden nok ville komme sterkt tilbake. Den holdninga var nok også det einaste rette. Glopparane beholdt intiativet i kampen, vann dei komande duellane og forsvaret fekk klarert dei gongane Eikefjord nærma seg mål. Berre to minutt etter 1-0 kom Hyen til nok ein bra sjanse. Tommy Folkestad og Åsmund Ommedal kombinert fint på høgresida der Folkestad til slutt fekk lagt ein fin ball inn til Roger Nordal som stod heilt aleine, men desverre blei Nordal avblåst for det som "tv-bilda" viser var ein klar offside. Den neste gode hye-sjansen kom etter elleve minutt. Hyen har frispark på midtbana som Ola Alexander Lilloe-Olsen slår på Ørjan Gjesdal som står på 16-meteren rett framfor mål. Han får stussa ballen fint vidare og Åsmund Ommedal som kjem på løp klare akkurat ikkje å få ei tå på ballen før heimelaget sin keeper får begge henda på den. Berre minuttet seinare vartar Hyen opp med eit mønster-angrep! Øyvind Larsen får klarert fint til Anders Klungre som legg ballen igjen til Åsmund Ommedal. Han vinklar glimrande ut til Tommy Folkestad som med ein herleg flikk får ballen vidare til Ørjan Gjesdal. Han slår ballen perfekt på direkten ut til Roger Nordal som har lagt seg ut på høgre sida. Nordal tek med seg ballen inn mot 16-meteren og slår ei fin passning på første stolpe der Gjesdal kjem på løp, men dessverre så går ballen nok ein gong hårfint inn til keeper! Hyen fortsette og ha god kontroll, og etter sytten minutt går laget opp til 2-0! Ørjan Gjesdal går med ballen frå høgre over mot venstre midt på Eikefjords banehalvdel. I mangel på pasningsalternativ slår han ballen tilbake til Ola Alexander Lilloe-Olsen som ligg omtrent på midtbana på venstresida. Han slår ballen fram til Roger Nordal som ligg inne i boksen. Nordal får dempa ballen fint på brystet, vende opp og dunka ballen på halv volley rett i nettet til venstre for keeper! Eit nydeleg mål og berre så jækla synd at kameramannen vart for opptatt av å sjå målet med eigne auger!:P Eikefjord fortsette den dårlege trenden. Dei får eit frispark ikkje så lenge etter 2-0 målet, men skudde går rett i muren, og returen er ei lompe som Even Hallem har full kontroll på. Ikkje lenge etter er det bortelaget sin tur til å få frispark etter ein hands omtrent 35 meter frå mål litt til høgre. Ballen blir slått inn i feltet der Arve Johnny Akse kjem heilt aleine på bakerste stolpe, men dommaren som står godt plassert ute på sida blæs offside noko som "tv-bilda" viser at nok er feil. Men uansett so hårfint at det ikkje går ann å klandre den ellers so glimrande dommaren Rolv Almenning for det. I andre halvdel av første omgong kjem Eikefjord litt meir med i kampen. Blant anna kjem dei til ein god sjanse etter tjue-åtte minutt, men Even Hallem vartar opp med ei glimrande dobbelt-redning og får slått ballen over til corner. Både den og tre andre Eikefjord-cornera som kjem blir aldri spesielt farlege. Resten av første omgang er ballen stort sett på midten av bana og ingen av laga kjem til nokon sjansar å skrive heim om! Dermed gjekk laga til pause på den overraskande, men fullt fortente stillinga 0-2!! Det var naturleg nok eit svært fornøgd Hyen-lag som gjek til pause med 2-0 leiing, heile laget jobba veldig bra og sjølv om ein hadde bytta inn fire spelarar iløpet av omgongen så gjekk dei rett inn og gjorde den jobben dei skulle. For hyens del blei det derfor berre å fortsette i andre omgang på samme måte som i første, nemleg å være best over heile bana via knallhard innsats. Desverre forstua Even Hallem ein finger og måtte dermed overlevere keeperhanskane sine til Øyvind Magnus Solheim i andre omgang.  Hyen forventa sjølvsagt at Eikefjord kom til å trøkke skikkeleg til frå start i andre omgang, men sjokkerande nok starta heimelaget omgongen med å spele støttepassninga på eigen halvdel dei første 30 sekunda! Hyen derimot ville angripe, og etter kun fire minutt spelt får Jens Robert Hope ein kjempe sjanse. Han rundar keeper, men frå skrå vinkel klarar han desverre ikkje å sette ballen i gollen. I det 55. minutt får Hope ein ny stor sjanse. Etter litt rot får Anders Klungre tatt med seg ballen inn i boksen med ei nydeleg vending. Han spelar ein stikkar mot Hope, ein eikefjording når ballen først. men han klarerar ballen rett tilbake i Klungre, noko som enda med at Hope får ballen sprettande heilt aleine på tretten meters hold. Skuddet går like utanfor til høgre for keeper! Dei påfølgjande minutta av andre omgang skjer det veldig lite. Det bølgar litt fram og tilbake og laga har omtrent ballen like mykje, men uten å produsere målsjansar. Rett og slett veldig lite publikum-venleg fotball! Vi må faktisk heilt ut til det 74. minutt for å finne kampens neste målsjanse! Etter at Hyen blir avblåst (korrekt) for offside når Roger Nordal blir spelt fri kjem Eikefjord til eit godt innlegg på høgre sida. Men ballen går gjennom heile feltet uten at nokon klarar å få ein fot på den! Etter dette blir det litt temperatur for første gong i kampen då ein Eikefjord spelar likar dårleg at han heilt reint blir takla av to hyara! Den neste målsjansen i kampen kjem til Hyen i det 79. minutt. Roger Nordal får med seg ballen nede til høgre i feltet, han ser Tommy Folkestad i midten og får slått fint inn, Folkestad står aleine på ti meter, men avsluttninga er for dårleg! Fire minutt seinare kunne Hyen fort ha lagt på til 3-0. Ørjan Akse slår ei glimrande passning inn foran Eikefjord-målet, men Jens Robert Hope som er nærast må konstatere at ballen går 20 cm for nær målet. Men 3-0 skulle det bli, og endeleg skulle Hope få sitt fortente mål! Anders Klungre gjer en god defensiv jobb og vinn ballen på eigen banehalvdel, han slår ut på høgre til Ørjan Gjesdal som får slått inn midten igjen til Tommy Folkestad som spelar ballen opp til Hope som elegant drar med seg ballen forbi Eikefjord sitt forsvar. Aleine med keeper er han iskald og sett ballen elegant mellom beina på keeper. Nok eit mål der ein spelte seg veldig fint fram! No hadde sjølvsagt det som var av luft i eikefjordinga gått totalt ut. Det gjorde at Hyen fekk enda eit mål. Nok ein gong var det Anders Klungre som gjorde ein god jobb og vann ballen på eigen halvdel. Han spelte vidare til Ørjan Gjesdal som denne gongen tok med seg ballen framover. Gjesdal spelte ei glimrande gjennombruddspassning til Jens Robert Hope som kom heilt aleine igjennom og nok ein gong avslutta perfekt og sørga for sitt andre og Hyens fjerde mål i kampen. Rett etterpå blåste dommaren av kampen og hyarane kunne berre strekke armane i vêret og juble for ein herleg 4-0 siger over Eikefjord! Hyen anno 2009: Bak frå venstre: Arve Johnny Akse, Ørjan Akse, Øyvind Larsen, Åsmund Ommedal, Håkon Solheim, Ola Henning Ommedal og Anders Klungre. Framme frå venstre: Øyvind Magnus Solheim, Ola Alexander Lilloe-Olsen, Jens Robert Hope, Anders Ommedal, Ørjan Gjesdal, Tommy Folkestad og Hans Otto Holme. Liggjande framme: Even Hallem. Her får du assistent-trenar Anders Klungre si oppsumering av kampen. Engasjert repporter er Øyvind Magnus Solheim: Å slå eit 5. divisjonslag som i tillegg er nynedrykka foran dette året er i seg sjølv ein stor prestasjon, men å knuse dei 4-0, og til dei grader rundspele Eikefjord over nitti minutt i deira eiga leikegrind er knall sterkt. Heimelaget må ha mangla nokre av dei beste spelarane sine, og det er sjølvsagt lov å ha ein dårleg dag. Eikefjord ville rett og slett ikkje vinne denne kampen, men med større innsats og viktige spelarar tilbake så vil dei sikkert heve seg mange hakk! Hyen spelar ein veldig god kamp og viser til tider veldig flott spel. Dette gjev forhåpningar om at ein i år verkeleg skal være med å kjempe i toppen og mest gledeleg av alt so gjev det spelarane god sjølvtillit som blir fin å ta med seg fram til neste kamp. Det er nemleg mot Haugen 5. april på Eid, og då startar ein med blanke ark og må sjølvsagt ikkje tru at det blir noko enkel kamp.  Det er uansett ingen tvil om kven som stjele overskriftene andre helga i mars 2009. Det er Liverpoll, det er Rosenborg og det er HYEN!! Dagens målscorar for Hyen: F.v: Roger Nordal, Jens Robert Hope og Tommy Folkestad. Eit anna lag frå Hyens avdeling som hadde treningskamp søndag 15. mars var Sandane2. Dei tok imot Flatraket på kunstgraset på Myklebustflata og vann kampen 1-0. Kampfakta: Treningskamp    0-4 (0-2)  Mål:  0-1 15. min Tommy Folkestad (Ørjan Akse)  0-2 17. min Roger Nordal (Ola Alexander Lilloe-Olsen)  0-3 87. min Jens Robert Hope (Tommy Folkestad)  0-4 89. min Jens Robert Hope (Ørjan Gjesdal) Arena: Eikefjord Stadion (kunstgras) Tilskodarar: 15 Kampstart: Søndag 15. mars 2009, kl. 14:30 Dommar : Rolf Almenning (FSK) - glimrande som alltid!  Gule kort: Ingen kort Hyens beste: Anders Klungre Håkon Solheim Ørjan Gjesdal