Publisert 29. mai 2007.

Dagens HIL-stjerne: Åsmund Ommedal Foto: hyenfotball.com Dagens HIL-stjerne gjekk til Åsmund Ommedal. Han var kampens store profil og fekk vist mykje av dei kvalitetane han har. Sola skinte sterkt tysdag 29. mai, og det vart tidleg klart at kampen mellom Breim og Hyen ville bli ein heit affære. Hyen stilte med litt svekka mannskap, men ingen av spelarane kom til å legge noko mellom når denne toppkampen, og såkalte "6-poengskampen" skulle spelast. Det var bra med folk på stadion. 110 tilskodarar hadde møtt opp for å få med seg lokaloppgjeret, noko som ifølgje speaker var det beste på mange år. Tydelegvis er Hyen ein attraktiv motstandar.   Og breimningane fekk noko å juble for denne kvelden. Allereie på Breim sin første sjanse, etter 2 minutt, kom ein stor, kraftig bremning rundt på høgrekanten. Etter litt knuffing med Geir Sigurd fekk han lagt inn nærast liggande. På lengste låg den einaste breimningen i feltet og sklei inn 1-0. Ikkje lenge etter, etter ca. 8 minutt, kom den same kraftige breimningen gjennom i midten. Hyarane prøvde å gjere motstand, med det resultat at dommaren bles straffe! Øyvind Magnus gjekk feil veg på straffa og det sto 2-0 til breim. Sjokkopning!   Etter desse to måla roa kampen seg litt. Breim pressa fortsatt ein del, men Hyen tok meir og meir over utan å få dei heilt store sjansane. Nærmst var nok Karl Erik Utheim då han var centimeter unna å runde keeper. Breim vann dei fleste duellane, og kjempa bra på eige gras. Etter ein halvtime fall kanskje avgjerdsla. Hyen fekk straffe då Karl Erik U vart skubba i feltet. Roger er ein eminent straffeskyttar (kan ikkje hugse sist han bomma på straffe), men denne gongen gjekk keeper til rett side. Han ga likevel ein grei retur, men Roger satte den dessverre i tverrliggaren! Marginane var altså ikkje på Hyen si side. Omgangen ebba ut med 2-0 ledelse til Breim. 2. omgangen vart ikkje særleg underhaldande. Hyen pressa på, og fekk nokre gode sjansar, men klarte aldri å få hull på byllen. Breim fekk også tildelt eit nytt straffespark mot slutten av kampen, men denne gongen gjekk Øyvind Magnus rett veg og redda sikkert. Nærast for Hyen var Åsmund Ommedal med eit par flotte headingar og Frank Holme med eit skot frå 8 meter.   Med det endte kampen 2-0. Breim fekk den starten dei trengde, klarte å holde tett bak, og drog dermed i land ein grei siger. Hadde Hyen vore heldigare foran mål kunne alle tre poenga lett gått til bortelaget, men alt i alt var keeper på Breim tyngda på vektskåla som gjorde til at dette gjekk i Breim sin favør. I følgje keeper sjølv var dette første gongen han heldt nullen på fleire år. Vi gratulerar! Resultat 6. divisjon avd. 3 runde 4: Breim - Hyen 2-0 Vikane - Anga 3-2 Jølster2 - Eikefjord2 4-0 Bilder frå kampen før seriestart:    Live-oppdatering: Breim - Hyen Bilde frå kampen Referat frå Breim si heimeside Kampfakta: 6. divisjon avd. 3 Runde 4 29. mai 2007 Breim - Hyen  2 - 0 (2-0) Mål:  1-0 02. min Nils Thomas Støyva  2-0 08. min Leif Øystein Felde (straffe) Arena: Byrkjelo stadion Tilskodarar: 110 Kampstart: tirsdag 29. mai 2007, kl. 19:00 Dommar : Per Olav Erikstad (Jølster) Gule kort: Øyvind Magnus Solheim og Mats Henrik Solheim. 2 til Breim. : Åsmund Ommedal   : Anders Klungre     : Øyvind Magnus Solheim